Jatigede anu ka cipta megahna, jeung endah upami Bendungan janteun di bendungna. Baheula bendungan Jatigede teh ngan ukur jadi kembang carita nu ayeuna ges nyata, Sanajan ukur ceuk beja ti rakyat nu nalangsa. Naha, ku teu sangka Cimata Jadi Sagara, Sagara katunggaraan rakyat Gumuruhna walungan Cimanuk lir ibarat jeritna warga Jatigede anu katindas jeung katalangsarana, rahayat anu teu tua teu dosa nu jadi korban katelengesan jalma anu sarakah. Ulah kawas cadas pangeran anu pinuh ku hujan cimata, nu ngorbankeun rebuan jiwa, piraku Jatigede rek kawas kitu. Teretet tarompet. matak nyeredet kana hate. Sora Karinding nu matak muriding. Jentrengna Kacapi marengan impian nu can katepi. Rakyat Jatigede nu kiwari neangan pamuntangan pikeun mereskeun, kamana kuring indit nya kamana kuring ngumbara. Deudeuh anaking nya kamana anjeun rek miang, neang tempat anu bakal di sungsi. Geusan nitipkeun diri nyangsangkeun badan, nu pinuh ku lara balangsak. Jatigede anu di udag – udag ku jaman, ngan hanjakal batur anu erek mibanda rasa, urang mah ngan saukur jadi korban. Cimanuk anu ngagulung ngawangun catur, Darmaraja anu tinggal beja, ka Ibu nu ngandung, ka Bapa nu ngayuga, ka karuhun nu buhun, nya kamana kuring mulang, nya kamana kuring neang, nya iraha anjeun rek tandang, ngabelaan diri kuring anu pinuh ku reumbay cimata. Tutunggul nu rentul di luhur kubur, tetengger nu hempak meurbayaksa, lain tutunggul tempat pamunjungan lain tetengeur tempat pamujaan tapi harewos beja pikeun ngeusian sajarah guareun anak incu urang nu bakal datang. Kudu Hirup jeung Huripna, kudu tigin kana janji, Kudu wani bumela ka wangsit luluhur pasti salamet lahir jeung bathin. Teu jalma teu tutunggul sagala di korbankeun keur ngaleungitkeun bukti sajarah anu sakitu ahengna, tangtu engke mah bakal hanjakal lamun Jatigede geus jadi sagara. Geura beuntakeun eta mata aya naon jeung aya saha di Jatigede, Geura bukakeun eta halimun anu salila ieu ngahalangan. Diri sasampiran, raga sasampayan geus teu bisa kumawasa ngan saukur bisa ngeclakeun cimata nu pinuh ku rasa hanjakal jeung ka peurih…!! Ieu rahayat geus ngajerit maratan langit, sora guludug lir ibarat jeritna sora rahayat nu katindas. Dimana Pamingpin anu sajati ku payung Agung nu bakal ngaheuyeuk dayeuh ngolah Nagara..??? Ieu rahayat nganti nganti dimana Srikandi pinilih teh ngancikna? TI KORBAN JATIGEDE WASSALAM MAULANA YAKSA MEDIA ( MUL )
GERENTES JATIGEDE
Baca Juga
Rekomendasi untuk kamu
MANTAN Anggota DPR RI 3 periode (2004-2009, 2009-2014, 2014-2019), Maruarar Sirait masih tetap peduli terhadap…
SAMPAH dan pengelolaannya merupakan masalah global di seluruh dunia, termasuk Indonesia. Data Sistem Informasi Pengelolaan…
CERITA duka mengawali lembaran awal Maret 2021. Sebuah kecelakaan dengan merenggut korban jiwa meninggal kembali…
TERLALU lama menapat layar ponsel atau laptop ternyata berfek bagi kesehatan tubuh. Tidak menutup kemungkinan…
ISOLASI mandiri sangat disarankan bagi para pasien Covid-19 tanpa gejala. Cara ini dapat menumbuhkan sistem…
SUMEDANG – Sebuah penelitian yang dilakukan All India Institute of Medical Sciences, New Delhi menyebutkan…
Oleh: Kapolres Sumedang AKBP. EKO PRASETYO ROBBYANTO, S.H., S.I.K., M.P.I.C.T., M.I.S.S. Sungguh kematian bisa datang…
GEJALA terinfeksi virus Corona biasanya berupa batuk terus-menerus, suhu tubuh meninggi, dan hilangnya kemampuan indra…
Imah kolot sim kuring oge arek dikeem lembur Durung ds Sukaratu Kec. Darmaraja. Duka teh teing waktosna dikeem. ayena mah kantun pasrah.
Nja dekah di kumahakeun kang dachlan…. urang mah ngan sakieu buktosna….
Ngalawan ge sesah aya hukum anu keur Rakyat mah eta Hukum teh Tegas…. tapi kanggo anu ngadamelna sareng rengrenganna mah jigana tiasa di licinan….